Psa 120 | JAE | STEP | Aê kapô lêna ma aoc gêjac Apômtau, tec eŋ kêkêŋ taŋa aê.

Psalms 120

PESALEM 120

Apômtau ênam aê sa aŋga kalomtênanêŋ

1 Aê kapô lêna ma aoc gêjac Apômtau,
tec eŋ kêkêŋ taŋa aê.
2 O Apômtau, ônam aê kêsi aŋga gêdôŋôlic dansaŋ
ma aŋga imbeleŋ geo.

3 Aôm imbêlam geo,
Ŋatau oc êkêŋ asageŋ êndêŋ aôm ma êŋgôm aôm amboac ondoc.
4 Oc êkêŋ siŋwaganê sôb bôjaŋ-bôjaŋ
ma sôb tojalana.
5 Ijoc aêma, tec gaŋgôŋ Mesek,
tec gaŋgôŋ Kedarnêŋ becobo.
6 Aê gaŋgôŋ gawiŋ lau,
taŋ sêkêŋ kisa gêdêŋ biŋmalô naŋ kêtômgac.
7 Aê ŋac biŋmalôŋa, mago êndêŋ taŋ jasôm biŋ wamaŋa naŋ,
êsêac sêndi êtu siŋŋa.